10月8日媽寶學院課堂摘要 – 產檢無煩惱,每晚訓得好

#媽寶學院課堂摘要 – 10月8日講座》

👩‍⚕️譚靜婷醫生喺講座同一眾媽媽分享咗好多懷孕期要注意嘅事同產檢時大家都未必知道嘅重要知識,等懷孕媽媽做好準備,迎接BB嘅到來。

孕婦可否睇牙醫?

好多媽媽懷孕期間都唔敢睇牙醫,怕麻醉藥或手術會對BB造成不良影響,但譚醫生指如果媽媽有妊娠期牙齦炎、牙肉紅腫及流牙血等情況應盡早睇牙醫,因為細菌有機會會係牙縫進入血液,反而會增加早產風險。

結構性超聲波正常,點解BB都喺有問題?

媽媽一般會喺18-22週做結構性超聲波,譚醫生指做完結構性超聲波唔等於BB 100%無結構性問題,因為有啲結構性問題會喺較後嘅週數先出現表徵,所以喺18-22週做結構性超聲波只可以檢驗出70%-80%嘅胎兒結構性問題。

開刀生BB,要做B型鏈球菌檢查嗎?

B型鏈球菌喺常見嘅人類腸道同生殖系統細菌。受感染嘅BB,有機會會出現肺部感染,血液感染及腦膜炎等。

順產出世時,BB會經過媽媽陰道而有機會受到感染。喺35-37週,醫生會建議媽媽做B型鏈球菌測試,如果結果呈陽性,喺分娩時醫生會幫媽媽打抗生素以降低BB受感染嘅機會。譚醫生指開刀嘅媽媽都要做B型鏈球菌檢查,因為唔知幾時會穿水,有機會BB會變咗順產出世,所以BB依然有受感染嘅潛在風險。